Annie Idibia wey be wife of correct and Ogbonge musician 2face Idibia don put full stop ontop the rumors wey dey ontop social media about the marital crisis between her and husband. The rumors been start after her man been go social media wetin been start like apology. Plenty people con carry the matter for head as dem been think say 2face been dey expect another baby from another woman… Some even go as far as to talk say, the pregnant woman na banker.
However, 2face con clear people mind as him talk say, he and him wife no dey get any marital issues and say the apology wey him been tweet for twitter, get nothing to do with anything wey people dey talk…
Well, him wife Annie Idibia don kukuma commot sef to say, fire no dey catch her marriage ooo, because her husband na very special person…
She write say:
Last Few days dey one kind-one kind… but Thank u well-well say you be my friend especially when I been need one the most! Thank u say, you no gree sleep for night when me I no fit sleep… Your type dey hard to find! Thank you say, you be my SUNLIGHT ! Na only you be the person wey understand me well-well! Na you be my SUPPORT SYSTEM! #Appreciationpost #MyMine #myWorld
Hia! This one na real love wantiti ooo!
No comments:
Post a Comment